講到睇紅葉大家都會諗到去日本，紅葉配上日本古建築，當然係風味一絕啦！但其實要欣賞紅葉，都有好多種方法㗎～於滿佈紅葉嘅峽谷漫步、乘坐纜車高空賞楓、於燈火中賞夜楓⋯⋯呢個六天嘅「廣島高松紅葉之旅」行程就可以滿足晒你呢啲願望啦～而且廣島、高松一般黎講都相對比較少人，想係紅葉中留影呃Like都易啲啦！ Day 1 － 香港->廣島 | 廣島夢幻彩燈節 (圖片來源：tw.visithiroshima) (圖片來源：Hiroshimanatvigator) 由香港出發到廣島，可能時間已經有啲夜，就唔好咁心急衝去睇紅葉住啦，先留係市中心睇下廣島一年一度嘅夢幻彩燈節啦！每年冬季，廣島都會有不同造型嘅彩燈林立喺市中心嘅街道，期間仲會有真正嘅白馬牽引住燈飾馬車華麗登場添～未到聖誕都感受到濃烈嘅浪漫氣氛啊！ 日期: 11月17日到來年1月3日 時間: 5:30pm-10:30pm 地址: 廣島縣 廣島市 中區和平大街 Day 2 － 宮島 紅葉谷公園、嚴島神社 宮島 紅葉谷公園 宮島又稱嚴島，係「日本三景」美譽其中之一。而宮島
